Vienako Kongresua eta Iraultzaren Osteko Erregimenak
Vienako Kongresua (1814-1815)
1814tik 1815era, Metternich Austriako kantzilerrak Vienako Kongresua antolatu zuen. Potentzia absolutista guztiak bildu zituen. Errege absolutistak tronuetan berrezarri zituzten. Europako mapa berrantolatu zuten, nazioak kontuan hartu gabe. Napoleonek sortutako inperioa potentzien artean banatu zuten.
Frantziari Iraultzaren aurreko mugak itzultzea behartu zitzaion, eta Luis XVIII.a tronuan berrezarri zen. Kongresuan Absolutismoaren printzipioak berrezarri ziren, hainbat erabaki hartuz:
- Errege absolutuen legitimotasuna: Gobernatzeko eskubidea.
- Subiranotasun nazionala ukatu: Boterea ez da nazioarena izango.
- Potentzien arteko oreka: Potentzien arteko gerrak debekatuta zeuden.
- Beste herrialdeetan esku hartzeko baimena: Frantziako arazoak (iraultza liberalak) itzuliko balira, beste potentziek esku hartzeko eskubidea zuten.
Aliantza Santua
1815ean sortu zen. Iraultza liberalek egindako edozein mehatxuri aurre egiteko xedez, errege absolutuek elkarri laguntzeko sinatu zuten hitzarmena zen. Antzinako Erregimenera itzultzen saiatzen ziren, baina Frantziako Iraultzako ideiak Europan oso zabalduta zeuden. Beraz, liberalismoak eta nazionalismoak indar sendoa hartu zuten hiru iraultza-oldeetan (1820an hasita).
3.1. Errepublika Burgesa (Direktorioa)
Burges moderatuek hartu zuten boterea (1791ko Konstituzioaren aldekoak ziren). 1793ko Konstituzioa eta jakobinoen legeak indargabetu zituzten. Erbestera ihes egindako nobleak kontrairaultzaileak ziren.
Konstituzio berri bat sortu zen (1795):
- Botere betearazlea Direktorioari eman zitzaion (5 kidek osatutako taldea).
- Sufragio zentsitarioa ezarri zen (burgesek soilik bozkatzeko).
Botere Legegilea
Botere legegilea bi ganberatan banatzen zen:
- 500en Batzordea
- Adinekoen Batzordea
Errepublika ez zen ez erradikala ez moderatua. Herria haien aurka altxatu zen, herritarrak orokorrean jakobinoen alde baitzeuden. Gobernuak ez zuen indarrik; Armadak hartzen zuen indarra (Napoleon Bonaparteren armada oso prestigio handikoa zen).
1799. urtean, Brumaireko estatu-kolpea eman zen, eta Kontsulatua ezarri zen. Direktorioa kendu zen.