Teoria Etiko Nagusiak: Sofistetatik Diskurtsoaren Etikara

Sofisten Morala eta Erlatibismoa

Morala konbentzionala da; bestela, jatorri jainkotiarra edo naturala izango balu, gizaki guztiek berez jakingo lukete zer den ona eta zer den txarra. Morala konbentzionala da balioak eta arauak denboran zehar aldatu egiten direlako eta desberdinak direlako kultura batzuetan eta besteetan. Horrez gain, plazeraren bilaketa eta indartsuenaren nagusitasuna nabarmentzen dira.

Sokrates: Intelektualismo Morala

Harentzat oso garrantzitsua zen morala erlatibismotik eta eszeptizismotik salbatzea. Sokratesek lege morala ariman aurkitu zuen. Logosari jarraitzeko eginahala egiten duenak bertutea zertan datzan aurkitzen du, eta bere burua gizaki zoriontsutzat har dezake.

Hedonismoa: Plazera Ongi Goren Gisa

Teoria honen arabera, ongi gorena —gizaki guztiek jarraitzen dugun eta zoriontasunera eramango gaituen hori— plazera (hedonea) da. Desira mota hauek bereizten dira:

• Desira berezkoak eta beharrezkoak.
• Desira berezkoak eta ez-beharrezkoak.
• Desira ez-berezkoak eta ez-beharrezkoak.

Estoizismoa eta Arrazoi Unibertsala

Estoikoen arabera, unibertsoa eta bertan gertatzen den guztia (hor gutako bakoitzaren bizitza ere sartzen da, noski) lege, printzipio edo arrazoi unibertsal batek arautua, zuzendua eta ezarria da.

Etika Utilitarista

Doktrina honen arabera, gure jokabidea baliagarritasun-printzipioak edo gehienen interesak arautu behar du.

Kanten Etika eta Betebeharra

Kanten ustez, nahimenari esker erabaki dezakegu gure jokabideak zein izan behar duen printzipioek diotena betetzeko. Ekintza motak honela sailkatzen dira:

• Betebeharraren aurkakoak: Ekintza hauek immoralak dira.
• Betebeharrekin bat datozenak: Baina interesak edo beldurrak eraginda egindakoak. Ekintza hauek ez dute balio moralik.
• Betebeharrarekiko errespetuz egindakoak: Ekintza hauek soilik dira moralki onak.

Diskurtsoaren Etika eta Komunikazioa

Elkarrizketak publikoa eta inklusiboa izan behar du. Ez da ekarpen interesgarriak egin ditzakeen inor baztertu behar. Honako baldintza hauek bete behar dira:

• Komunikatzeko orduan aukeren berdintasuna bermatu behar da. Gaiari buruz hitz egiteko orduan guztiek aukera berdinak izango dituzte.
• Lilura eta iruzurra baztertu behar dira. Parte-hartzaileek esaten dutena sinetsi behar dute.
• Bortxa baztertu egin behar da. Mugarik gabeko komunikazioa izan behar da, mugek argudio onenak azaleratzea eragozten eta eztabaidaren emaitza aurretik zehazten baitute.