Metalurgia Prozedurak: Moldeaketa, Laminazioa eta Trefilatzea

Moldeaketa Prozedurak

Material urtuari forma ematea konformazio prozedura zaharrenetakoa da, metalezko osagaiak lortzeko erabiltzen dena.

Urtzea

Urtzeko behar den tenperaturaren eraginez, batzuetan aldatu egiten da urtu behar dugun materialaren osaketa. Burdinazko materialak urtzeko, hainbat labe mota erabiltzen dira:

• Kubilote labeak: Labe hauen funtzionamendua aire-korronteek emandako oxigenoa erretzean datza. Prozesu honekin kalitate txikiko piezak lortzen dira.
• Arrago labeak: Materiala arrago izeneko ontzi itxi batean urtzen da, horrek isolatu egiten du. Burdina ez den materialetan erabiltzen da. Produkzio gutxi dute eta garestiak dira.
• Erreberberazio labeak: Beroa kanpoan gasarekin edo petrolioaren deribatu batekin egindako su batetik lortzen da. Kubilote labeek baino kalitate hobea eskaintzen dute.
• Arku elektrikodun labeak: Berogailu gisa arku elektriko indartsu bat erabiltzen dute. Arku horrek salto egiten du urtu nahi den masaren eta elektrodo batzuen artean. Oso produkzio handia eta kalitate ona eskaintzen dute.
• Indukziozko labeak: Arrago labeak dira, baina eremu magnetiko batek eragindako korronteen beroa aprobetxatzen da. Kalitate handia eskaintzen dute, baina produkzio gutxiago.

Laminazioa

Materiala laminazio-zilindro izeneko bi arrabolen artean igaroarazten da. Bi arrabolen arteko banaketa materialaren hasierako lodiera baino txikiagoa denez, materiala itxuragabetu egiten da, forma berri bat hartuz.

Baliabideak

Oinarrizko tresna euskarri baten gainean dauden bi zilindrok osatzen dute. Euskarri horiek zilindroak mugiarazteko energia ematen diete.

Aplikazioak

Lehen mailako prozeduratzat hartzen da, eta txapak eta zumitzak egiteko erabiltzen da.

Trefilatzea

Materiala itxuragabetu egiten da gero eta estuagoa den zulo batetik igarotzean, hau da, ilaratik.

Baliabideak

Instalazioek ilaretarako euskarri batzuk izaten dituzte, eta baita bobinatzeko makina batzuk ere, materiala erakarri eta biribilkatzeko.

Aplikazioak

Prozedura oso zaharra da eta hariak lortzeko erabiltzen da. Baina, ilaretako materialak eta trakzio-mekanismoak arautzeko sistemak hobetu ondoren, hari, alanbre eta biribil kantitate handiak lortzen dira.