Industria Iraultza: Kausak, Garapena eta Ondorioak

Industria Iraultza: Eraldaketa Sozial eta Ekonomikoa

Industria Iraultza XVIII. eta XIX. mendeen artean gertatutako prozesu eraldatzaile sozial eta ekonomikoa izan zen (ez zen prozesu politikoa izan), bigarren sektorearen hazkunde oso handia ekarri zuena. Eraldaketa handiena 1750-1830 urteen artean gertatu zen, bereziki Ingalaterran.

Burgesiak eraman zuen aurrera Industria Iraultza, eta, beraz, liberalismoarekin lotuta dago. Iraultza honek goi-mailan ezarri zuen burgesia eta harreman feudalak desegin zituen. XIX. mendeko prozesu politiko liberalekin harreman estua izan zuen, burgesak sistema politiko hori ezartzen saiatu baitziren.

Burgesiaren Mentalitate Aldaketa

Prozesu hau ulertzeko, mentalitate aldaketa beharrezkoa izan zen. Erregimen Zaharrean, ekonomia nobleen gastuan eta luxuan oinarritzen zen. Burgesiaren mentalitatea, ordea, bestelakoa zen: zenbat eta gehiago aberastea eta norberaren negozioa ahalik eta gehien handitzea.

Horrek ekonomiaren hazkunderako mentalitate berri bat sortu zuen, inbertsiora bideratua. Burgesiak dirua negozio berrietan inbertitzen zuen eta lan-errendimendua hobetzeko teknikak ikertzen zituen, ekonomiaren modernizazioa bultzatuz. Hori dela eta, ez da harritzekoa Industria Iraultzak ekonomia eta produkzioa handitzea.

Ondorio Nagusiak

Industria Iraultzak hainbat ondorio garrantzitsu izan zituen gizartean eta ekonomian:

• Proletalgoaren sorrera eta hazkundea

  Soldatapeko langileen (proletalgoaren) kopurua asko handitu zen. Gainera, fabriketan elkarrekin lan egiteak arazo amankomunak zituztela eta zapalkuntza egoeran zeudela ohartzea ekarri zuen. Ondorioz, proletalgoa kopuruz hazteaz gain, subjektu politiko gisa agertzen hasi zen.

• Demografia Iraultza

  Populazioak gorakada handia izan zuen, jaiotza-tasa altuei eta heriotza-tasaren beherakadari esker. Gurasoek seme-alaba asko izaten zituzten lanerako esku-lan gisa, eta txertoen agerpenak eta elikaduraren hobekuntzak populazioaren hazkundea areagotu zuten.

• Hiritartzea

  Biztanleria landa-eremuetatik hirietara joaten hasi zen, bizi-baldintza hobeagoen bila. Horrek hirien hazkunde izugarria eragin zuen, industriagune nagusiak handituz. Prozesu honi hiritartzea deitzen zaio.

Lotutako Kontzeptuak

Inperialismoa

Herrialde garatu batek herrialde pobreago bat menderatzea da, bere politikan esku hartuz edo bere interes ekonomikoetarako erabiliz.

Kolonialismoa

Inperialismoaren forma bat da, eta inbasio militarra eta lurraldearen anexio politikoa dakar.