Enpresa Kudeaketa eta Estrategia: Gako Kontzeptuak
Enpresa Kudeaketaren Oinarriak
Organigramak
Enpresaren antolakuntza-egituraren adierazpen grafikoak dira, sintetikoak eta sinplifikatuak, eta egiturak zer ezaugarri nagusi dituen azaltzen dute.
Antolakuntza Informala
Aurrez pentsatuak ez zeuden harreman pertsonal eta sozialak.
Kudeatzea
Ezarritako helburuak lortzeko, enpresa osatzen duten pertsonek beharrezko diren zereginak egin ditzaten ahalegintzea.
Lidergoa
Pertsona batek, gogo biziz eta berak nahi duelako, beste batzuengan eragiteko eta haiek helburu jakin batzuk lortzera animatzeko edo motibatzeko duen gaitasuna edo trebetasuna.
McGregorren X eta Y Teoriak
- X Teoria: Lana gorroto du, ez du anbiziorik, nahiago du beste baten aginduak bete, ez du aldaketarik nahi (agintari autoritarioa).
- Y Teoria: Lana egin nahi du, lanean erabilitako energia naturala dela uste du, anbizioa, irudimena eta sormena ditu, erantzukizunak nahi ditu (agintari liberala).
Erabakiak Hartzea
Informazioa ekintza bihurtzea.
Kontrolatzea
Plangintza egitean aurreikusi bezala gertatzen dela egiaztatzea, bai helburu orokorrei dagokienez, bai azpihelburu zehatzenei dagokienez.
Kontrol Etapak
- Estandarrak ezartzea.
- Jarduerak neurtzea.
- Desbideratzeak zuzentzea.
Enpresa Estrategia
Estrategiaren Definizioa
Enpresa batek egin beharreko ekintzei eta ekintza horietarako erabili ditzakeen baliabideei buruz har ditzakeen erabakien multzoa da, helburuak lortzeko.
Zuzendaritza Estrategikoa
Estrategia baten kudeaketa-prozesua da enpresaren barruan.
Estrategia Aztertzea
- Ingurunearen azterketa: Ekonomia-, gizarte-, politika- edo teknologia-ingurunea aztertu behar da, hau da, zer faktorek eragiten dioten enpresari.
- Barne-azterketa (gaitasun estrategikoa): Sendotu beharreko puntuak aztertu.
- Sustatzaileen espektatibak: Estrategia bat aukeratu, etorkizuneko espektatibei begiratuz.
Estrategia Aukeratzea
Zer estrategia mota ezarri nahi den zehaztu behar da, estrategia bakoitza enpresaren edo ingurunearen ezaugarri batzuetarako baita egokia.
Estrategiak Ezartzea
Enpresaren estrategia nola aplikatuko den zehaztea eta planifikatzea da, erabiliko diren baliabideen eta prozesuaren antolaketaren aldetik. Horretarako, martxan jarri behar diren ekintza estrategikoen denbora-plana aztertu beharko da.